Mushkil hai ab shahar me.n nikale ko_ii ghar se

View previous topic View next topic Go down

Mushkil hai ab shahar me.n nikale ko_ii ghar se

Post by Admin on Sun Jun 13, 2010 10:07 pm

mushkil hai ab shahar me.n nikale ko_ii ghar se
dastaar pe baat aa ga_ii hai hotii hu_ii sar se

barasaa bhii to kis dasht ke be-faiz badan par
ik umr mere khet the jis abr ko tarase

is baar jo indhan ke liye kaT ke giraa hai
chi.Diyo.n ko ba.Daa pyaar thaa us buu.Dhe shajar se

mehanat merii aa.Ndhii se to manasuub nahii.n thii
rahanaa thaa ko_ii rabt shajar kaa bhii samar se

Khud apane se milane kaa to yaaraa na thaa mujh me.n
mai.n bhii.D me.n gum ho ga_ii tanhaa_ii ke Dar se

benaam musaafat hii muqaddar hai to kyaa Gam
manzil kaa ta'yyun kabhii hotaa hai safar se

pattharaayaa hai dil yuu.N ki ko_ii ism pa.Dhaa jaaye
ye shahar nikalataa nahii.n jaaduu ke asar se

nikale hai.n to raste me.n kahii.n shaam bhii hogii
suuraj bhii magar aayegaa is raah-guzar se

Perveen Shakir Poetry

________________
Admin
WorldMagOnline.net
avatar
Admin
Admin

Posts : 299
Reputation : 0
Join date : 2010-04-19
Age : 32
Location : Karachi

View user profile http://www.worldmagonline.net

Back to top Go down

Re: Mushkil hai ab shahar me.n nikale ko_ii ghar se

Post by fani_jani143 on Thu Jul 15, 2010 11:50 am

veri nice thnx broooooooooooooo

fani_jani143

Posts : 46
Reputation : 1
Join date : 2010-05-09

View user profile

Back to top Go down

View previous topic View next topic Back to top

- Similar topics

 
Permissions in this forum:
You cannot reply to topics in this forum