ab bhalaa chhoR ke ghar kyaa karte

View previous topic View next topic Go down

ab bhalaa chhoR ke ghar kyaa karte

Post by Aleema_Akhtar on Tue Aug 23, 2011 12:05 am

ab bhalaa chhoR ke ghar kyaa karte
shaam ke vaqt safar kyaa karte

terii masruufiyateN jaante the
apne aane kii Khabar kyaa karte

jab sitaare hii nahiiN mil paaye
le ke ham shams-o-qamar kyaa karte

vo musaafir hii khulii dhuup kaa thaa
saaye phailaa ke shajar kyaa karte

Khaak hii avval-o-aaKhir thahrii
kar (?) ke zarre ko gauhar kyaa karte

raaye pehle se hii banaa lii tuune
dil meN ab ham tere ghar kyaa karte

ishq ne saare saliiqe bakhshe
husn se kasb-e-hunar kyaa karte


Aleema_Akhtar

Posts : 46
Reputation : 1
Join date : 2011-08-22
Age : 26
Location : USA

View user profile

Back to top Go down

View previous topic View next topic Back to top

- Similar topics

 
Permissions in this forum:
You cannot reply to topics in this forum